• Hafan
• / Bioamrywiaeth
• / Cynllun Gweithredu Bioamrywiaeth Lleol

Cynllun Gweithredu Bioamrywiaeth Lleol

Rhan bwysig o Gynllun Gweithredu Bio-amrywiaeth y DU oedd sefydlu rhwydwaith o bartneriaethau Cynllun Gweithredu Bio-amrywiaeth Lleol i weithredu’n lleol, cysylltu â chymunedau, codi ymwybyddiaeth a chefnogi mentrau addysg.   Er bod y rhain yn dilyn arweinyddiaeth y cynlluniau cenedlaethol, maen nhw hefyd yn nodi blaenoriaethau lleol sy’n berthnasol i’w hardaloedd nhw.

Gweithredir Cynllun Gweithredu Bio-amrywiaeth Lleol trwy bartneriaeth ac mae'r broses yn dibynnu ar gyfranogaeth a chydweithrediad pawb, nid cadwraethwyr a thirfeddiannwr yn unig.  Mae busnesau, adrannau’r cyngor a’r cyhoedd erbyn hyn yn cymryd mwy o ran mewn cadwraeth nag erioed o'r blaen.  Yn Sir Ddinbych rydym yn rhan o Bartneriaeth Bio-amrywiaeth Leol Gogledd-ddwyrain Cymru, sy'n cynnwys y bedair sir yn yr ardal ac yn cynnwys cynrychiolwyr o’r sefydliadau amgylcheddol gwirfoddol a statudol, arbenigwyr a chofnodwyr lleol ac adrannau o'r awdurdodau lleol.  Mae’n arwain ar gynhyrchu Cynllun Gweithredu Bio-amrywiaeth Lleol Sir Ddinbych ac yn gyfrifol am oruchwylio darparu Cynlluniau Gweithredu Cynefin, Rhywogaeth a Phwnc o fewn y Cynllun Gweithredu Bio-amrywiaeth Lleol.  Trwy gyd ymrwymiad a pherchnogaeth y Cynllun Gweithredu Bio-amrywiaeth Lleol, gellir uno a rhannu adnoddau ac ymdrech a gweithredu’r Cynllun yn fwy effeithiol.  Mae gan bartneriaethau’r Cynllun Gweithredu Bio-amrywiaeth Lleol hefyd gyfrifoldeb i godi ymwybyddiaeth a’r angen am gadwraeth bioamrywiaeth yn y cyd-destun lleol a darparu cyfleoedd i’r cyhoedd fwynhau a deall eu bioamrywiaeth lleol. 

Ein Dyfodol gyda Bywyd Gwyllt:  Cynllun Gweithredu Bio-amrywiaeth Lleol Sir Ddinbych

Lansiwyd Ein Dyfodol gyda Bywyd Gwyllt, Cynllun Gweithredu Bio-amrywiaeth Lleol Sir Ddinbych yn 2003 ac mae’n rhoi fframwaith ar gyfer cadwraeth natur yn y sir.  Mae’n beirianwaith i weithredu Cynllun Gweithredu Bio-amrywiaeth y DU yn Sir Ddinbych ac i droi blaenoriaethau bywyd gwyllt cenedlaethol yn weithredu lleol.  Mae’n cynnwys rhestr o holl rywogaethau a chynefinoedd â blaenoriaeth leol yn y sir, llawer ohonynt yn flaenoriaethau’r DU a Chymru hefyd.  Yr adrannau pwysicaf yw’r Cynlluniau Gweithredu Rhywogaeth a  Chynefin unigol sy’n cynnwys y targedau cadwraeth ar gyfer pob rhywogaeth a chynefin a’r gwaith y mae’n rhaid ei wneud i gyrraedd y targedau hynny.  Mae hefyd yn cynnwys nifer o Gynlluniau Gweithredu Pwnc, sy'n sicrhau fod themâu bio-amrywiaeth pwysig, megis addysg ac ymwybyddiaeth, yn cael sylw gydol y Cynllun Gweithredu Bio-amrywiaeth Lleol.

Mae Cynllun Gweithredu Bio-amrywiaeth Lleol Sir Ddinbych yn ddogfen sy’n esblygu ac ar hyn o bryd mae’n cael ei adolygu’n unol â chynllun y DU a thargedau a gweithrediadau datganoledig Cymru.  Gellir gweld y cynlluniau gweithredu o'r System Adrodd Gwaith Bio-amrywiaeth (BARS), sydd ar y we ac yn yr un modd â Chynllun y DU, mae cynnydd yn erbyn y camau hynny hefyd yn cael ei adrodd yma. 

Cliciwch yma i weld Cynllun Gweithredu Bio-amrywiaeth Lleol Sir Ddinbych a’r adroddiadau cynnydd ar BARS

Adrodd a’r System Adrodd Gwaith Bio-amrywiaeth (BARS)

Trwy broses Cynllun Gweithred Bio-amrywiaeth y DU, cafodd targedau a gweithrediadau cynllun gweithredu ar gyfer rhywogaethau a chynefinoedd eu cynhyrchu gyda  phartneriaid arweiniol a’u Grwpiau Llywio yn gofalu amdanynt.  Adroddodd yr holl Grwpiau Llywio, ynghyd â’r partneriaethau Cynllun Gweithredu Bio-amrywiaeth Lleol, ar gynnydd y rhain ym 1999, 2002, 2005 a 2008.  Byddant yn adrodd eto yn 2011.  

Y System Adrodd Gwaith Bio-amrywiaeth (BARS) yw prif beirianwaith casglu gwybodaeth ar waith bio-amrywiaeth ar draws y DU ac fe wnaed rownd adrodd 2005 trwy’r system hon, fel y bydd yr holl adrodd yn y dyfodol yn digwydd.   Mae ar wefan wedi’i chreu ar gyfer y cyfan o Bartneriaeth y DU ar gyfer gofynion cynllunio, monitro ac adrodd yn ôl y Cynlluniau Gweithredu Bio-amrywiaeth cenedlaethol a lleol.   Mae’r cyhoedd yn gallu mynd i’r system ac mae nifer o adnoddau cynhyrchu adroddiadau er mwyn didoli gwahanol ddata ar dargedau a gweithrediadau  Cynlluniau Gweithredu Bio-amrywiaeth DU, y wlad neu rai lleol, gan gynnwys rhai Sir Ddinbych, yn ogystal ag adroddiadau ar gyfer rhywogaethau a chynefinoedd.  Gellir mynd ar BARS ar www.ukbap-reporting.org.uk.