• Hafan
• / Newyddion a Digwyddiadau
• / Newyddion diweddar
• / Bioamrywiaeth Sir Ddinbych

Bioamrywiaeth Sir Ddinbych

Mae yna adran newydd sbon ar ein gwefan a gafodd ei lansio'r wythnos hon sy’n cynnwys popeth sydd arnoch chi angen ei wybod am fioamrywiaeth: sef yr amrywiaeth o fywyd gwyllt sydd yn y sir. Mae tudalen ‘Bioamrywiaeth Sir Ddinbych’ yn cynnwys gwybodaeth am anifeiliaid, planhigion a ffwngws diddorol.

Cliciwch yma i weld y dudalen.

Mae yna wybodaeth am 20 rhywogaeth wahanol gan gynnwys mamaliaid, adar, ymlusgiaid, amffibiad, pysgod, anifeiliaid di-asgwrn-cefn, planhigion a ffwngws. Gallwch ddysgu mwy am gynefin, bwyd, ecoleg a dulliau atgynhyrchu’r rhywogaethau, yn ogystal â’r bygythiadau sydd yn eu hwynebu a’u statws cadwraethol. Gallwch hefyd ddysgu sut i ddod o hyd iddyn nhw a’u hadnabod.   

Mae’r rhywogaethau’n cynnwys y dyfrgi Ewropeaidd, y wiwer goch, y wiber, y fadfall ddŵr gribog a briwlys y calchfaen (blodyn y sir). Rhagwelir y bydd mwy o rywogaethau’n cael eu hychwanegu felly rhowch wybod i ni os oes arnoch chi eisiau gweld rhywogaeth benodol ar y rhestr. 

• Taith Brenig

  

• Bryniau Clwyd

  

• Bioamrywiaeth

  

• Y Grug a'r Caerau