Newyddion a Digwyddiadau
Newyddion Diweddaraf
2023: Tymor llwyddiannus arall i’r môr-wenoliaid bach!
31.08.2023
Rhaglen Gwirfoddolwyf Ebrill 2019 - Medi 2019
17.05.2019
Tudalen Gweplyfr
Cais am wirfoddolwyr cadwraeth bryngaerau ar safle 2,500 o flynyddoedd oed
Dyddiad: 12.09.2011
Math: Volunteering
Mae yna gais am wirfoddolwyr i helpu â thasg arbennig iawn ym mryngaer Caer Drewyn, Corwen, y mis yma.
Dydd Mercher 21ain a dydd Iau 22ain bydd Gwasanaeth Cefn Gwlad Sir Ddinbych a Phrosiect y Grug a’r Caerau’n gwneud gwaith atgyweirio difrod erydiad ar yr heneb sy’n 2,500 o flynyddoedd oed ac maen nhw’n gofyn am help gan y cyhoedd â’r prosiect.
Mae bryngaer drawiadol Caer Drewyn, a elwir yn lleol yn Fynydd y Gaer yn unigryw yn yr ardal gan fod ei chloddiau anferth (rhagfuriau) wedi eu gwneud o garreg. Dros y blynyddoedd mae’r rhain wedi dechrau cwympo ac wedi blocio’r fynedfa wreiddiol.
Bydd y digwyddiad ‘Trwsio’r Gorffennol’ y mis Medi yma’n gwneud gwaith trwsio’r erydiad ym mynedfa’r dwyrain drwy osod haen o bilen ar draws y fynedfa a’i gorchuddio â thyweirch i ddiogelu’r archeoleg a hefyd i wneud mynediad yn saffach.
Bydd yr archeolegydd Erin Robinson ar y safle i siarad am hanes y fryngaer ac fe geir taith o’r safle ar y ddau ddiwrnod. Dywedodd Erin: “Mae Mynydd y Gaer yn safle sy’n annwyl iawn i lawer a bydd pobl yn ymweld ag o’n rheolaidd. Mae yma gyfoeth o hanes yn dyddio’n ôl filoedd o flynyddoedd gan fod y gaer wedi ei hadeiladu o gwmpas amser yr Oes Haearn 800BC-43AD ac wedi ei defnyddio ers hynny, yn cynnwys ymweliad gan Owain Glyndðr! Heddiw mae’n gartref i ystod o fywyd gwyllt yn cynnwys melyn yr eithin a chennau prin. Mae angen eich help chi ar y fryngaer yn awr i sicrhau y gellir ei mwynhau yn y dyfodol, felly rydyn ni’n apelio am wirfoddolwyr i ddod i’n helpu ni i helpu’r fryngaer i sefyll am 2000 o flynyddoedd eto.”
Mae Caer Drewyn yn Heneb Gofrestredig ac mae’r gwaith hwn wedi ei gymeradwyo gan Cadw, gwasanaeth amgylchedd hanesyddol Llywodraeth Cymru.
Fe gynhelir y digwyddiad ar ddydd Mercher a dydd Iau Medi’r 21ain a’r 22ain . Cyfarfod am 10am yng Nghanolfan Hamdden Corwen, cyfeirnod grid SJ068442.
Cynghorir gwisgo dillad ac esgidiau call a dewch â chinio pecyn a digon o ddiod. Mae’r daith i fyny i’r fryngaer yn cynnwys dringfa serth, gyson.
I gael mwy o wybodaeth cysylltwch â Swyddfa Cefn Gwlad De Sir Ddinbych ar 01978 869619.
Mae Prosiect y Grug a’r Caerau, sy’n brosiect tair blynedd, yn datblygu menter £2.3 miliwn ar gyfer gwaith cadwraeth yr ucheldir ac mae wedi derbyn grant o £1.5 miliwn gan Gronfa Treftadaeth y Loteri. I gael gwybodaeth bellach ewch i heatherandhillforts.co.uk.
Gallwch ein dilyn yn awr ar twitter! Ewch i www.twitter.com/HeatherHillfort neu ymunwch â’r grðp Facebook i gael mwy o ddiweddariadau ar y prosiect.
Nodiadau i olygyddion:
Gan ddefnyddio arian a gasglwyd drwy’r Loteri Genedlaethol, mae Cronfa Treftadaeth y Loteri’n cynnal ac yn trawsnewid ystod eang o dreftadaeth er mwyn i genedlaethau’r presennol a’r dyfodol gymryd rhan ynddyn nhw, iddyn nhw ddysgu oddi wrthyn nhw a’u mwynhau. O amgueddfeydd, parciau a lleoedd hanesyddol i archeoleg, amgylchedd naturiol a thraddodiadau diwylliannol, byddwn yn buddsoddi ym mhob rhan o’n treftadaeth amrywiol. Mae CTL wedi cynorthwyo dros 30,000 o brosiectau gan ddyrannu dros £4.5 biliwn dros y DU, yn cynnwys dros 1,900 o brosiectau sy’n gyfanswm o fwy na £224 miliwn yng Nghymru. I ddarganfod mwy, ewch i www.hlf.org.uk.
