• Hafan
• / Gwasanaeth Cefn Gwlad Sir Ddinbych
• / Fforwm Mynediad Lleol Sir Ddinbych

Fforwm Mynediad Lleol Sir Ddinbych

Beth yw’r Fforwm Mynediad Lleol?

Ffurfiwyd Fforymau Mynediad Lleol o dan Adran 94 y Ddeddf Cefn Gwlad a Hawliau Tramwy (2000). Maent yn gyrff statudol sy’n darparu cyngor ar wella mynediad cyhoeddus i dir a dŵr er dibenion hamddena awyr agored a mwynhau’r ardal. 

Yn ogystal ag ystyried anghenion rheoli’r tir a gwarchod harddwch naturiol yr ardal, gall y Fforymau roi cyngor ar gysylltiadau rhwng gwell mynediad â’r buddion ehangach cysylltiol. Mae’r rhain yn cynnwys gwell ansawdd bywyd yn gyffredinol megis iechyd a buddion cymdeithasol, yn ogystal â thrafnidiaeth gynaliadwy, twristiaeth, yr economi a hygyrchedd.

Cysylltu â’r Fforwm 

Gellir cysylltu â Fforwm Mynediad Lleol Sir Ddinbych trwy’r ysgrifennydd:

Mr Adrian Walls

Fforwm Mynediad Lleol Sir Ddinbych

Cyngor Sir Ddinbych

Caledfryn

Ffordd Smithfield

Dinbych

LL16 3RJ

Ffôn: 01824 706871

Ebost: laf@sirddinbych.gov.uk

Aelodau Fforwm Mynediad Lleol Sir Ddinbych

Mae gan Fforwm Mynediad Lleol Sir Ddinbych 13 aelod; 12 aelod wedi eu hapwyntio ac un cynrychiolydd o’r awdurdod apwyntio.

Cynrychiola’r aelodau sydd wedi eu hapwyntio gydbwysedd o ddiddordebau gan gynnwys tirfeddianwyr neu reolwyr (sydd â thir mynediad neu dir y mae gan y cyhoedd yr hawl i’w groesi); grwpiau defnyddio; a’r rheiny gyda sgiliau neu ddiddordebau sy’n berthnasol yn benodol i Sir Ddinbych, megis coedwigaeth a thwristiaeth. 

Mae gan aelodau’r Fforwm dymor o dair blynedd cyn yr ail-apwyntir y fforwm, er gall aelodau wasanaethau am ail dymor.  Etholwyd y mwyafrif o aelodau'r tymor hwn ym mis Mehefin 2010.

Cyfarfodydd Fforwm Mynediad Lleol Sir Ddinbych

Mae’n ofynnol i Fforwm Mynediad Lleol Sir Ddinbych gwrdd o leiaf ddwywaith y flwyddyn. Mae’r cyfarfodydd yn agored i’r cyhoedd, ond gellir eu cau yn ôl disgresiwn y Fforwm.  Efallai na fyddai yn bosib codi mater yn bersonol ond gellir gwneud hynny yn ôl disgresiwn Cadeirydd y Fforwm.  Mae pob cyfarfod yn cynnwys trafodaeth ar brosiectau arfaethedig a gweithiau sy’n berthnasol i waith y Fforwm, diweddariadau ar brosiectau presennol, ac ymweliad safle i leoliadau sydd o ddiddordeb i’r Fforwm. 

Bydd cofnodion cyfarfodydd diweddar, adroddiadau blynyddol a dyddiadau ac agendâu cyfarfodydd y dyfodol yn cael eu cofnodi yma cyn gynted ag y bo modd. Ni fydd cofnodion ar gael nes eu bod wedi eu cytuno yng nghyfarfod nesaf y Fforwm.

Mae cofnodion ac agendâu cyfarfodydd hŷn ar gael gan yr ysgrifennydd.

Dogfennau Fforwm Mynediad Lleol Sir Ddinbych